12 май дар толори мақомоти иҷроияи ҳокимияти давлатии вилояти Суғд маросими супоридани гувоҳнома ба иштирокчиёни Ҳафтаи иштироки донишҷӯёни муассисаҳои таҳсилоти олии касбии вилоят дар идоракунии мақомоти иҷроияи ҳокимияти давлатии вилояти Суғд баргузор гардид, ки 7 нафар донишҷӯи донишкада: Меҳрангез Усмонова, Тахмина Дадобоева, Аброрхон Аброров, Маҳфуза Раҳматуллоева, Сумайя Саидова, Мадина Ҳошимова ва Муъминахон Қосимова соҳиби гувоҳнома гардиданд.

Чорабинии мазкур дар доираи моҳвораи ҷавонон доир шуда, ҳадафи он ҷалби ҷавонони фаъол ба раванди идоракунӣ, баланд бардоштани ҳисси масъулиятшиносӣ ва тақвияти малакаҳои роҳбарии онҳо арзёбӣ мегардад.

Дар маросим Раиси вилояти Суғд Раҷаб Аҳмадзода ба иштирокчиён гувоҳномаҳоро супорида, таъкид намуд, ки ҷавонони соҳибмаърифат, ватандӯст ва ташаббускор метавонанд дар рушди низоми идоракунӣ, пешрафти давлат ва ободии ҷомеа саҳми арзанда гузоранд.

Зикр гардид, ки имрӯз ҷавонон ҳамчун неруи созанда ва пешбарандаи ҷомеа дар маркази таваҷҷуҳи давлату Ҳукумат қарор дошта, барои таҳсил, фаъолияти ҷамъиятӣ ва рушди қобилиятҳои онҳо тамоми шароит фароҳам оварда мешавад.

Таъкид шуд, ки сиёсати давлатии ҷавонон бо дастгириҳои пайвастаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон амалӣ гардида, барои ҷавонон имкониятҳои васеъ ҷиҳати омӯзиш, соҳибкасб шудан, иштироки фаъолона дар ҳаёти сиёсиву иҷтимоӣ ва саҳмгузорӣ дар рушди кишвар муҳайё карда шудааст.

Иштирокчиёни чорабинӣ чунин иқдомҳоро барои баланд бардоштани ҷаҳонбинӣ, таҷрибаомӯзӣ ва омодасозии кадрҳои ҷавон муҳим арзёбӣ намуда, изҳор доштанд, ки минбаъд низ барои пешрафти ҷомеа ва Ватани азиз саъю талош менамоянд.

Шуъбаи иттилоот ва кор бо ВАО